जुन्या वादातून तुमसर मधील नईम खान यांची गोबरवाही रेल्वे फाटक जवळ पाठलाग करून गोळी झाडून हत्या करण्यात आली.

सायंकाळच्या सुमारास गोबरवाही रेल्वे फाटक बंद झाल्यामुळे वाहने तेथे थांबली हाेती. त्यामध्ये मृतक नईम खान व त्याचा एक साथीदार त्याच्या चारचाकी वाहनामध्ये बसला होता. दरम्यान, पाठीमागून सिनेस्टाइल दुचाकीने आलेल्या चार अज्ञात आरोपींनी अचानक गोळीबार सुरू केला. या गोळीबारात नईम खान व त्याचा एक साथीदार, असे दोघे गंभीर जखमी झाले.

जखमींना तातडीने रुग्णालयात दाखल केले. नईम खान याला डॉक्टरांनी मृत घोषित केले, तर गाडीत बसलेला एक जण गंभीर जखमी असून, त्याच्यावर उपचार सुरू आहेत. घटनेची माहिती मिळताच पोलिस अधीक्षक लोहित मतांनी यांनी घटनास्थळ गाठले. तीन संशयित आरोपींना अटक केली आहे.