मुंबई, 7 मे : नागरिकत्वाच्या विवादामुळे गेल्या काही दिवसांपासून बातम्यांमध्ये असलेला बॉलिवूडचा खिलाडी अक्षय कुमार पुन्हा एकदा चर्चेत आला आहे. फानी चक्रीवादळामुळे उद्ध्वस्त झालेल्या ओडिशातील पीडितांना अक्षय कुमारनं एक कोटी रुपयांची मदत केली आहे. 'हिदुस्तान टाइम्स'नं दिलेल्या वृत्तानुसार, अक्षय कुमारनं ओडिशामध्ये आलेल्या फानी चक्रीवादळाचा फटका बसलेल्या नागरिकांसाठी मदतीचा हात पुढे केला आहे. त्यानं मुख्यमंत्री सहाय्यता निधीसाठी 1 कोटी रुपयांची मदत केली आहे.
बॉलिवूडमधील विश्वसनीय सूत्रांकडून 'हिदुस्तान टाइम्स'ला ही माहिती मिळाली आहे. वृत्तपत्रानं याबाबत ओडिशातील मुख्यमंत्री कार्यालयाशी संपर्क साधून माहिती घेण्याचा प्रयत्न केला. मात्र अद्यापपर्यंत यावर कोणतेही उत्तर मिळालेले नाही.
Post A Comment:
0 comments so far,add yours